ATA SETEMBRO!!

Despois dun longo curso de moito traballo, momentos de ledicia, de compartir, de xogos, de aprender xuntos... chegou o momento de desfrutar das vacacións de verán. Pasádeo moi moi ben, desfrutade moito, xogade moito, e vémonos á volta das vacacións!

FESTA DE FIN DE CURSO

O último día de cole fixemos unha festa na que xogamos moito pola mañá, despois fomos ver ao mago Cayetano Lledó, co seu espectáculo "Lafayette show". Posteriormente xantamos no patio todos xuntos e seguimos xogando. Agora a descansar e a desfrutar do verán e dunhas ben merecidas vacacións! Botarémosvos de menos!!!

fin de curso - Kizoa Editar Videos - Movie Maker

CUMPLES DE VERÁN

Antes de marchar de vacacións tiñamos que celebrar os cumples dos nenos que cumplen os anos no verán, para que non quedasen sen a súa festa, así que celebramos os de: Paula, Miguel, Xoel, Antía, Noa, Clara e tamén o de Ainara, que estivo maliña e non veu ó cole, pero aínda así veu a despedirse o último día de cole, e trouxo unhas chuches para todos. Felicidades peques!!!!

cumples de verán - Kizoa Editar Videos - Movie Maker

PIÑATAS

Antes de que rematase o curso, queríamos facer unhas piñatas cos nenos/as. Eles mesmos decoraron as bolsas con papel de seda, pintura de dedos, papel charón... quedaron chulísimas! Despois as mestras metémoslles cousiñas dentro, fomos o patio, vendámoslles os ollos... e a derrubar as piñatas! Dentro había moitas cousas: lambetadas, xoguetes, instrumentos musicais... comemos as chuches, xogamos cos xoguetes na auga, probamos os instrumentos... Pasámolo xenial!!

PIÑATAS - Kizoa Editar Videos - Movie Maker

FACEMOS POMPAS

A tódolos nenos/as lles encanta facer pompas, así que os pequerrechos de Paradela puxéronse mans á obra e primeiro mesturamos os ingredientes: deterxente, auga e glicerina (ou tamén gomina), e despois cuns arames que moldeou a profe Ligia probaron todos a facer as pompas dentro da aula. Unha experiencia estupenda!!

pompas 1 - Kizoa Editar Videos - Movie Maker

MÁIS POMPAS

Despois de deixar repousar uns días o líquido para facer pompas (xa que así despois sairán mellor) fomos ó patio, e fixemos moitísimas pompas con diferentes técnicas: soprando con moitas palliñas xuntas, con tubos de cartón, con arames con diferentes formas, ata probamos cos matamoscas, xa que como teñen moitos buracos... a verdade é que o pasaron xenial, e non deixaron de facer pompas ata que se acabou o líquido! Non quedou nadiña!

pom - Kizoa Editar Videos - Movie Maker

NIÑOS DO CONTO "A VACA QUE PUXO UN OVO"

Aquí vos deixamos o resultado final dos niños que fixeron os peques de 5 anos co papel de xornal e o ovo que trouxeron da casa e pintaron no cole, igualiño que o do conto "A vaca que puxo un ovo", quedaron chulíííísimos!!

PARABÉNS, RAÚL

O luns celebramos o cumple de Raúl, que xa cumpriu 5 anos!! Para iso puxemos 5 velas na nosa tarta, cantámoslle a canción, soprou as velas, repartiu chuches e gusanitos para compartir e despois... a cantar e bailar cos "Cantajuegos"! Moitas felicidades Raúl!!

cumple Raúl - Kizoa Editar Videos - Movie Maker

CUMPLE DE DANIELA

A semana pasada celebramos o cumple de Daniela, a súa mamá fixo unha tarta preciosa (que ademais estaba boísima) coa que Daniela soprou as velas, despois houbo unha piñata que tiña moitas lambetadas, papeliños... coa que o pasamos xenial xogando. Máis tarde repartiu máis chuches e cando remataron de comer, foron a bailar e cantar coas cancións de "Cantajuegos". Despois de tanta festa, como a aula quedou chea de papeliños e cintas de cores, fomos buscar a vasoira e o recolledor, e a limpar!! Estes cativos saben facer de todo... Ademais, como nos sobraba tarta, fomos a aula dos nenos/as de 5 anos e convidámolos a probala. Estaba boíííísima!!

cumple Daniela - Kizoa Editar Videos - Movie Maker

VÍDEOS CARACOIS

Estamos aprendendo moitas cousiñas sobre os caracois, e estos vídeos axúdannos moito:

LIBERAMOS OS CARACOIS

Despois dunha semana observando os caracois e o seu comportamento, fomos de novo ó patio con eles a liberalos

PRAIA DAS CATEDRAIS

Despois dun día tan intenso, tocaba relaxarse e desfrutar na praia das Catedrais. Tivemos moita sorte, xa que aínda que daban mal tempo para a tarde, finalmente non nos choveu e os peques puideron desfrutar dunha tarde de praia fantástica. De volta no autobús para o cole, algúns nenos/as quedaron durmidos polo camiño. Unha xornada que seguramente quedará gravada na memoria dos peques.

catedrais - Kizoa Editar Videos - Movie Maker

COMIDA E VIAXE EN TREN

Despois da viaxe no barco fomos ó restaurante "Casa Foguete", onde comemos estupendamente, para despois facer unha viaxe en tren

xantar e tren - Kizoa Editar Videos - Movie Maker

CHEGADA E BARCO

Por fin, aquí tedes as fotos da excursión a Ribadeo. Un día fantástico no que fomos en barco, tren, puidemos desfrutar da praia das catedrais... Aquí podedes ver a chegada a Ribadeo e a viaxe en barco

barco - Kizoa Editar Videos - Movie Maker

VIAXE EN BARCO

Aquí vos deixamos un adianto da excursión do pasado venres: a viaxe en barco dos pequerrechos (a cámara rápida). Pouco a pouco iremos subindo máis fotos de todo o día. Ó final tivemos sorte e non nos choveu! Foi un día estupendo onde os peques pasárono xenial!!!

Ribadeo from CEIP PLURILINGÜE SAN MIGUEL on Vimeo.

OBSERVAMOS OS CARACOIS

Durante unha semana estivemos observando os caracois que recollemos no patio, cada día cambiabámoslles a comida, observamos as súas partes, como se desprazan, como é a baba, os tentáculos...

OS CARACOIS SON OVÍPAROS

Estes días estamos aprendendo moitas cousas sobre os caracois, como que son ovíparos e poden poñer ata 100 ovos, na internet podemos atopar vídeos sobre iso

A VACA QUE PUXO UN OVO

Despois de ver o conto "A vaca que puxo un ovo", os nenos/as de 5 anos decidiron facer un niño con papel de xornal que lles quedou xenial, despois traerán un ovo da casa para meter dentro. Xa vos ensinaremos o resultado final. Aquí están facendo o niño

niños - Kizoa Editar Videos - Movie Maker

MÁIS TRABALLO POR EQUIPOS

Seguimos traballando por equipos

cooperativos - Kizoa Editar Videos - Movie Maker

CARACOL COL COL

Aquí tedes o vídeo dos pequerrechos cantando o poema de Manuel María "O caracol". Fixérono moi ben!!

17 DE MAIO, DÍA DAS LETRAS GALEGAS

Este ano o día das Letras Galegas está adicado a Manuel María, e como estamos co proxecto dos caracois e éste é o autor do poema "O caracol", estivemos esta semana traballando sobre iso

letras galegas - Kizoa Editar Videos - Movie Maker

NOVO PROXECTO

Como hai tantos caracois no patio e os nenos collíanos e levábanos para as aulas para observalos, decidimos facer un proxecto sobre este animaliño. Así que o primeiro que fixemos foi dar unha volta polo patio e coller algúns dos que vimos, metelos nunha xaula e levalos para clase para poder observalos durante uns días.

caracois - Kizoa Editar Videos - Movie Maker

SEGUIMOS SEMENTANDO

O día 10 os peques sementaron fabas, chícharos e garabanzos que trouxeron da casa. O día 12 regaron e... puideron observar que algúns garabanzos xa estaban comezando a nacer!!!!! Ata patacas plantaron! Agora a observar o proceso e ver como van medrando día a día

seguimos plantando - Kizoa Editar Videos - Movie Maker

XOGAMOS NO IGLÚ

Como xa rematamos o iglú, agora toca xogar nel. Cada día o iglú convértese nun recuncho diferente: un día é un iglú biblioteca, onde se poden ver contos, outro día podemos xogar coas construccións, cos xoguetes da cociña... Pasámolo xenial e estase convertendo no noso recuncho favorito!!

PORTADA DO PROXECTO

Para rematar co noso proxecto sobre a Antártida e os pingüíns, fixemos a portada dos nosos traballos, un pingüín con papel charón que nos quedou moi chulo:

portada - Kizoa Editar Videos - Movie Maker

3 EN RAIA

Estes días os maiores estiveron aprendendo a xogar ó 3 en raia, e despois cada un fixo o seu para levar para casa e poder xogar coa familia. Mirade que chulos quedaron:

3 en raia - Kizoa Editar Videos - Movie Maker

PINGÜÍNS DE GOMA EVA

Na internet atopamos uns pingüíns chulísimos feitos con goma eva, e como eles tamén querían facer uns, aquí están:

ARCO DA VELLA

Estes días, con tanto chover e facer sol, puidemos observar o arco da vella, e despois elaboramos nós uns chulísimos:

PUZZLES

Os pequerrechos de Paradela son uns expertos á hora de facer puzzles. Os de 3 anos xa os fan de 25 pezas e algúns xa están comezando a facer dos de 50, os de 4 anos xa fan os de 50 e os de 5 anos xa son capaces de facer os de 100 pezas, todos eles tanto individualmente como por parellas ou pequenos grupos. Bravo por eles!

puzzle - Kizoa Editar Videos - Movie Maker

PÉS DE PINGÜÍN

Unha das actividades que máis nos gustou foi uns pingüíns que fixemos pintando o pé e deixando a pegada nun folio. Foi divertidísimo e ademais quedaron chulísimos!!

pingupé - Kizoa Editar Videos - Movie Maker

DOCUMENTAL DE PINGÜÍNS

Un dos vídeos que máis nos gustou e do que aprendemos máis cousas foi o de Disney. O dos pingüíns comeza a partir do minuto 46:30

CANTO MIDEN OS PINGÜÍNS?

No libro que nos trouxo Iria, traía o que medían os pingüíns máis altos (o pingüín emperador, que mide 120 cm) e o que miden os máis baixiños (pingüín azul, 40 cm). Como iso é bastante abstracto para eles, o que fixemos foi medirnos para entendelo mellor, e resulta que o pingüín emperador e máis ou menos tan alto coma eles, ou un pouquiño máis, e o máis baixiño como a súa perna. Primeiro observamos a cinta métrica, e buscamos o 120 para marcar ata onde había que medir

Despois fómonos medindo todos para comparar e ver se éramos tan altos como o pingüín emperador

Despois, miramos ata onde nos chegaría o pingüín azul

E por último fixemos unha ficha sobre o que aprendemos